Paolo

Published in ‘O POSTO MIO NUN E’

PAOLO

Curaggio. Nun t’arrennere.
Vulevo bene ‘o cielo,
vulevo bene ‘o sole,
tutto stu bene io l’aggio dato a tte.
E io vicino a tte stongo stasera.
Hanno spurcato
tutt’ ‘o cceleste d’ ‘e penziere tuoie?
Cumbatte ancora.
È bello vule’ bene.
Io quantu bene
aggio vuluto,
mo chestu bene ‘o ddongo tutto a tte.
Vicino, tu, me truvarraie dimane.
È overo, è bello véncere,
ma è bello pure perdere si ‘o pperdere
riesce a te fa’ crescere.
Crisce. Ride e riala
sulo surrise a ttutte ‘e ccose attuorno.
Io quanto aggio surriso,
mo sti surrise ‘e ddongo tutte a tte.
E tu me truvarraie vicino sempe.


Last modification: Lun 13 Lug 2015