Io tengo a te

Published in France

IO TENGO A TE

‘O cielo tene
stelle d’argiento,
‘o mare ‘e vvele
pittate ‘e sole,
io tengo a te.
‘A rundinella
tene ‘e ccarezze
d”a primmavera,
‘a palummella
sciure ‘e ciardine,
io tengo a te.
‘O rre ‘e padrone
d”o regno e tene
mille tesore,
tene ‘o mercante
muntagne d’oro,
io tengo a te.
Core ‘e nennillo
tene alleria,
core ‘e figliola
tene speranze
e core ‘e sposa
felicità,
io tengo a te.

Last modification: Lun 13 Lug 2015