Quanno sarra´ o mumento

Published in France

QUANNO SARRA’ ‘O MUMENTO

E diceno,
quanno sarrà ‘o mumento,
ca vene
sempe quaccuno pe’ te da’ n’aiuto.
Pe’ mme, chi venarrà?
E chi me pigliarrà p”a mano, chi
l’urdema porta me farrà arapì?
Chi me darrà curaggio?
E chi sarrà ‘o cumpagno ‘e chillu viaggio?
France’
vurria ca fosse n’angelo
cu ll’uocchie doce tale e quale a tte,
sulo accussì
m’abbandunasse dint’a stu mistero
senza tene’ paura ‘e niente cchiù,
sulo accussì,
sulo si a mme piglià venesse n’angelo
cu ll’uocchie doce comme ‘e ttiene tu.


Last modification: Lun 13 Lug 2015