´E diece cumandamente

Published in NAPOLI

‘E DIECE CUMANDAMENTE

Dio aveva criato Napule tale e quale a ‘o Paraviso:
l’avimmo nchiavecata
e ognuno ‘e nuie ce ha miso ‘o ssuio!

‘E DIECE CUMANDAMENTE
p”a salvà

Penzammo pure a ll’ate, nun penzammo sulamente ‘o ddio nuosto.

Vicin”o mare, a ‘o Vesuvio, a ‘e ccanzone,
mettimmece pure ‘a bona vuluntà.

Nun aspettammo ca ce scenne sempe tutto ‘a cielo.

Dio nun ce ha dato ‘o sole pe’ ce fa’ sta’ cu ‘a panza all’aria
na vita sana.

Dio ce vuleva fa’ uommene, no pagliacce.

E nemmeno bannere ca ve votano comme cagna ‘o tiempo.

‘O ditto “ccà nisciuno è fesso” appicciammelo.

Mparammece ca malasciorta e bonasciorta c”e ffacimmo
cu ‘e mmane noste.

‘O mariunciello, ‘o pataccaro, ‘o pezzente, ‘o cammurrista,
‘o strascinafacenne, ‘e vasce, ‘a mpruvvisazione
nun hanna significà NAPULE!

VESTIMMECE ‘E SERIETA’ !

Last modification: Lun 13 Lug 2015