No, nun ve lusingate,
‘o posto mio nun è
areto ‘a scrivania ‘e st’ufficio grigio,
‘o posto mio nun è
‘n miez’a sti ccarte inutile!
‘O posto mio
è ‘nterr’ ‘arena,
‘o posto mio
è sott’ ‘o sole.
P’ ‘o cielo senza fine io voglio correre,
gocce ‘e rusata hann’accuità l’arzura
‘e chesti llabbra,
m’aggia sazià
‘e fronne ‘e rose,
‘e ràppule ‘e viole.
I’ aggia cantà c’ ‘o mare
canzone doce, musica d’ammore
e cu ‘e culure ‘e mille arcobalene
aggia vestì
tutte ‘e penziere mieie
cunnuliato
da ‘e vvoce allere
‘e ll’aucelluzze,
accarezzato
‘a sciate ‘e viento prufumate ‘e grano.
No, nun ve lusingate,
‘o posto mio nun è
areto ‘a scrivania ‘e st’ufficio grigio,
‘n miez’a sti ccarte inutile!
‘O posto mio
è ncopp’ ‘e vuole liegge d’ ‘e ppalomme,
affianco ‘e vvarche
d’ ‘e piscature,
vicino ‘e nnote
d’ ‘e sserenate
