Tu

Published in France

TU

Penziere amare. Che ghiurnata cupa.
So’ asciuto. Cammenanno
pe’ ore e ore
senza sape’ addò i’,
senza nu comme e senza nu pecché,
accussì,
mbriaco senza vèvere, abbeluto…
Che m’ha pigliato?…
Che m’è benuto?…
‘A notte m’ha truvato
ch’ancora cammenavo. Finalmente
na strada canusciuta. ‘A casa mia.
E int’a ll’oscurità l’urdema luce
da ‘e llastre d”a fenesta.
Nu triemmolo int”o core,
n’àttemo ‘e festa
doppo nu tiempo fatto sulo d’ombre
deciso overo a nun me lassà cchiù.
N’àttemo ‘e gioia. ‘A casa mia. Na luce.
Tu.

Last modification: Lun 13 Lug 2015